صاير امير

اهداء الى كل غائب عن الدنيا..
الراحلون الى الأبد..أولئك الذين لاتبرح بصماتهم أقاصي الروح..
((وليد)) احدى الحكايات الجميله..غيبه السرطان وهو في ريعان شبابه..

رحلت ولارحل من قلبي الا بعض مما فيك..
لك الله كل ماقلت انت ((مت)) اقول معقوله؟!..


صديقي وينك البارح؟ لبست وقلت أبد باتيك..
قبل مااصل على بابك ذكرت الموت وحموله..

تصدق عاد قلت : آخذ عطر كالعادهـ وباهديك..
واقول العام ذا ودع ,كلام اعتدت انا اقوله..

لك الله شئ مو عادي ليا منه رحل غاليك..
تحس ان المكان اصلا تساوى عرضه وطوله..

تعال وصيح بي (صالح) واقول :اهلا هلا لبيك..
هلا بك كثر مانفسي تحب الحزن وتنوله..

عزاي انك هنا ساكن وحرفي من وفا يبكيك..
قليل ان قلت :لك في خافقي ياصاحبي دوله..

كتبتك للورق لأنه كثير يقول لي وش فيك؟
لك الله عفت من كثر الغياب الحزن وحلوله..

عساك بجنة الفردوس والله ياعسى يعطيك..
وذي بعض المشاعر حيه ولاهيب منقوله..

الغياب: حالة مستعصية اذا ماعلمنا أنه للأبد..!

((احدى مشاركاتي بالمنتديات))