يامساي انفاسك..

خيالية انتي ..وحسب

...............
يامساي انفاسك..
والهوى ميت بدون احساسك..
وياليتني منك اقرب لظلك..
واجي مع ربعك وجلاسك..

يامترفه حد الجنون وحدك..
ياللي (احبك) من شفاتي-
تنتشي من ردك..
وياللي يغار النجم لامنه برق خدك..

ياانثوية جدا ويااسطوره..
يامطلعه صاحبك ذا من طوره ..
انتي خطر في الحب..
وجنونك اكثر منك بعلومك المخطوره..

حسك تفرعن بي ولاخلاني..
والليل موحش كان طيفك مالفاني..
ايه من دونك وحيد وعايش بظلمه واعاني..

انتي اللي تعرفين تلاعبين احساسي..
وانتي اللي في الهوى ودي ومثل قياسي..
انتي خرافة جيل وانتي هواك قيااااسي..

يشبه لك الليل العتيم بسره..
وتشبه لك القمرا كذا بالمره..
وتشابهين البدر وحدك
وانتي لنوره ضره..

لو كان ماحصلت غيرك يكفي..
انتي غرامك للهواوي يشفي..
وانتي مشع ونور غيرك مطفي.




صآير ..

اشياء في صدري كثير ..

نعم هي اشياء ..يموج بها صدري وتموج به..
اعرفها واعررفها وتعرفني..
وعلى حسب معرفتي لها سأكتبها ..
...


الانتظار:

رحلة البحث عنك من قبل مجهول ربما لن يجدك..

الاوراق:

سبورة الروح ..او بياض يحمل سوداوية ماعلق بالروح

الانثى:

اهزوجة الدنيا وصوت الفرح الابيض..

الورود:

اشياء تسكن اشياء فينا وتبقى مابقينا ..

الليل :

وسادة وافكار وعين بين باكية وهائمه..

الشمس:

من ننتظرها لشئ واحد..ان تشرق بهم

السفر:

استعادة النظام الفكري الى سابقه..

القلم:

لسان حال صاحبه..اليد التي تمسكه تعزف به..

الحب:

ممر طويل مفروش بنكهة الروح التي تحب فأما بالاحمر واما بلا سواد حتى..

القمر:

جليس العشاق في ليلة البؤس..

البدر:

من يطالعه اثنان لهما نفس القلب او يمتلك كل منهما قلب الاخر..

الريف:

حنين الى رائحة الجدات وطهر الماضي..

...



صآير امير ..

الاثنثن : 26/1/1434هــ

خارج عن النص

خارج عن النص..

هناك اشياء خارجه عن القانون ..
واشياء تخرج من حيز العقل ..
واشياء تخرج على النص او عنه ..

.......................


* لايعرف سر العلاقة بين الانثى والورده الا رجل يعرف بعينيه كيف يهتز كيانها وهي تأخذها من يدهـ

*روحانية العلاقة بيني وبين سجادتي تبدأ من منتصف ليل وتنتهي بحكاية ارتياح عظيمه.

*المستحيل كلمة سهلة جدا عكس عالمها الخرافي .

*الرجل تشكله المرأة كيفما تريد فاحيانا تجعله صبيا واحيانا شابا وساعات كهلا فقط عليها ان تعرف
كيفية التحكم في نسبة انثويتها .

*كل الاعين تزني لكن الاعظم من يتبع نظره بقلب خائن .

*الشمس لاتشرق في وقتها المعتاد دائما كذلك انت ,لكن هل اعددت ليوم لاتشرق فيه شمسك.

*القلوب الملائكيه لاتؤمن بالاستنزاف العاطفي ولا بنفاذ مشاعر.

*تؤمن كل انثى في الدنيا انها اجمل النساء شكلا وتنافس لتكون ,لكنهن لايتنافسن بالمضمون الا نادرا .

*يسعى الرجل الشريف لتأمين لقمة عيش كريمه ,ويتناسون احيانا حسنة اكره تقية نار جهنم.

*المساء وطن العشاق والصبح محطة انتظار لليالي بعضها حمراء.

*وماتت على قارعة الامل احلام ربما تتحقق في الوقت الضائع.

*يستدير اليك الامل احيانا لمصافحتك واحيانا يمضي دون ان يلتفت اليك.

*لم اعشق انثى كاللتي عشقت ولاادري لم اخطئ..ولم تعشقني انثى كما عشقتني ولاادري حتى متى تسامحني في كل مرهـ

*احيانا التقي في منامي وجوها شحت بها الحياة ..اعيش معها تفاصيل منعتني الدنيا عيشها معهم.


صـــــــــــــآير امير ..
الاثنين 4/2/1434هـ

ياهوه ياللي لبستي

في زمن المغريات والفتن ..كثر الحديث وعلا صوت الصغار ..بل اصبحوا يمارسون شغبهم كيفما اتفقوا ..
البارحه كنت في مركز تجاري برفقة شقيقتي ..كان المنظر مريبا جدا ..كان اشبه بحديث المجانين لكنه كان واقعا ..فتاتين يلحقان بي وبشقيقتي وبرميان بكلام اقل مايقال عنه انه سخيف ..
اين اهل هؤلاء عنهم ..بل ان احداهن والله ترتدي ملابس لو تركتها لكان افضل ..
سحقا لتربيه انجبت هؤلاء وويل لهن ولاهلن الذين لايعلمون عنهن من عذاب رب العزة ..
مايضير حقا ان مثل هذا يحدث وعلى ارض الحرمين وماخفي كان اعظم ..
توسدت وادتي وقبل ان اغفو كنت اردد وكأنهن يسمععني ..

...................


ياهوهـ ياللي لبستي جنز ولثامه ..
قولي وش اللي كسبتي من ورا لبسك..

عدلتي الخلقه وحطيتي الشامه ..
وماعاد حضرتك تتعرف على نفسك..

واللي خلقني تراني صاحب عمامه ..
اطرح بها عشان الكفو من جنسك..

اللي تقوم وتعرف الدين واعلامه ..
واللي ثرى اقدامها اطهر من خنا رجسك ..

يابنت انا كنت اشوفك موت وحسامه ..
بس اني الحين اثور لديني وعكسك..

غصبن عليك احترام اللي لها قامه ..
اللي لها حدس اميره ماهو بحدسك..

واللي ماتبغى الهدايه في سقر دامه ..
هرج هرج آهل الدين ماخلا الدني تمسك..

................


صآير امير ..
الثلاثاء 5/2/1434هــ

قررت

قررت اعزل واهد الحب واهاجر...

ان تقرر ان تترك كل ماله علاقة بالحب..
يعني ان تترك كل شئ..لسبب ان الطعنة اقوى ..
والموت ارحم من ان تكون طعنتك من اقرب الناس لك..

.........................
عن عالم الحب رب البيت مغنيني ..
مادام حب البشر في الوقت ياشينه..

حبيت ياحب لكن ويش تعطيني ..
طعنة ظهر والهوى يافرقها سنينه..

ياكم جفا النوم لاجل معاشره عيني..
وياكم تمنيت لاجلي تنتبه عينه ..

لكن على الله لقيت اللاش بيديني ..
والقلب مني فقدته بس ياوينه..

قلت الحق الوقت يمكن بس يمديني..
لكن على الله يسم البيت تلحينه..

مد وعطه ماتبي ماعاد يعنيني ..
عذرك معه ياهوى ياشين تسمينه..

انا عطيتك كثير الله يعطيني ..
وانت الصبر ماعطاك الا مساكينه..

اللي خذيته سهم في القلب يدميني..
واللي عطيته عسى مقبول تزيينه..

وانت ارحل وحب واعشق يامعنيني..
ماعاد تفرق مع اللي ربه يعينه..



صاير امير ..

بتعيش وتشوف

كانت امي كل ماضاق الفضا ..
جات برضا ..وتقول : خل يمه مامضى ..


بتعيش وتشوف..


والرفيق اللي مسميه الشقيق..
كان اخ وكان خل ولي صديق..
تضيق بي الدنيا ولايمكن يضيق..
وكل ماضقت قال :


بتعيش وتشوف..


كنت طفل ولي تفاصيل وفصول..
برئ لكن في تفاصيلي فضول..
مجتهد ماني بليد ولاكسول..
ومعلمي لاضقت قال :


بتعيش وتشوف..




وكبرت ..
ولاعرفت ان على بعض المقادير
انجبرت..
وبعين رغباتي صغرت ..
وانكسرت ..


ماكنت احسبها كذا ..
والنصيب يصيب والرغبه اذى..
طيب واذا ؟ّ!

صدق بنعيش ونشوف..


اللي يحب يشوف..
وتقابله بعض الظروف..
مابين حلم وواقع واحيان خوف..


التفاصيل الصغيره..
تختصر بعض الكبيره ..
والهواوي بين اكيد ومحتمل يبقى مصيره..


كبرت وتعلمت وش يعني ..
تعيش تشوف ياابني..


وفيت ولالقيت الا الجفا والصد..
صدقت وشفت نفسي ضد..
سؤال الود ..ماله رد!!


كثير اللي معي ..
كانوا معي قبل ادمعي..
والحين حتى حكاويهم..ماتعانق مسمعي..


واللي بقالي في حياتي اوفيا..
روح وتفاصيل وضيا ..


من بعد عقدين والثالث بنصه..
العمر بيت الشعور اللي فقد نصه..
فعلا درس وتعلمته وكانت الحصة :




بتعيش وتشوف..






صآير امير ..

فلسفات ربما

فلسفات ربما ....!

ماعلى الدنيا عتب..
احيان نطعمها عنب..
واحيان قسمة تنكتب..
واحيان طاريها ذهب..

..

العار :
فعل الكبار..
لاغدا مثل الصغار ..
وقتها قل يجرب : الانتحار..

المصيبه :
كل ريبه ..
في المجاديف الغريبه ..
وكل دمعة لبارد..قريبه..

الوسايد:
الحكايا القدام الجدايد..
لاغلب الاسرار ديوان وجرايد..
تعايد اللي مالقى بن ادم يعايد..

الذكي..
على مخالب فلسفاته مرتكي..
واللي يعرف حق منهو يشتكي..


الغبي:
كهل وصبي..
فيلسوف ماهو نبي..
منطق..بس امانه وش يبي؟

الحكيم :
اللي لسانه عقيم..
مايجيب الا العظيم..
منطقه دايم سليم..

الغرور:
شخص جالس مع حضور ..
يعشق المدح بسرور..
يؤمن بأنه صحيح ولانقدته..يثور.

البحر..
شاطئ .وامواج..وسهر..
واغلب حكايا المختصر ..
البحر ..حتى السحر..

الامير :
اللي يطير ..
لاطروا واحد فقير ..
ويقدر الصف الاخير ..

القلوب :
عيوب ..ومزايا ..وخطوب .
نكره بها ..نحب ونتوب ..
لين شمس العمر تقرب للغروب.

الغياب:
الذهاب بلا اياب..
جسد والروح اغتراب..
الغياب ..اكتئاب..



صآير امير ..

ابيات لم تتكمل

فقط..ابيات لم تكتمل ..


ياوقتي اللي تعبت اساير ذنوبك..
البس ثياب الحيا ياوقتنا القاسي..

ماعاد يعنيني اقنعتك ولاثوبك..
تكفى تواضع وخذ مايشبه لباسي..

احيان احبك واغيب احيان واتوبك..
ادوشت لي يازماني بالتعب راسي..

الناس تمشي على الموال وطروبك..
الناس ماعادها ياوقتنا ناسي..

.....

راح الحيا من وجيه العالم الحيه ..
وتغيرت فلسفات الطيب والعزه..

ماادري هو اني غريب وعايش بنيه..
والا ان كل المشاعر صابها هزه..

...


اكبر خطيه خفوق العاشق الفاضي..
اللي يحب اكثر العالم ولايوفي..

مثل اختلال القضا من سبة القاضي..
روفي ياصدمات وقتي بالحشا روفي..






صآير ..

شطحات

فقط للتأمل..
..

-وانت تنظر للغروب تشعر بشئ لاتعلم ماهو ..فقط تستمتع جدا ..

-حين تجلس وحيدا على شط بحر وكأن احدا ما يقاسمك التفاصيل ..لذا تكون منتشيا ..

-يمر بك وجه عابر ..يشبه من يسكنك رغم رحيله..تشعر باندفاع نحوه ..هو الموت احيانا ..

-تجلس في ذات المكان الذي كنت تجالسه فيه ..تحادثه ..تستمتع معه ..الان تجلس وحدك ..مؤلم..

-في ليله تكون فيها في قمة سعادتك مع رفاقك..احدهم يهمس بذات الاسم ..اسمها ..تختلف مشاعرك..تريد ان تصرخ ..غيرة وفقدا ولوعه ..

-في الساعات الاخيرة من الليل تفترش سجادتك لتصلي ركعتين فتتذكر من تدعو لهم ..تجده اول من يتبادر الى ذهنك..تعيد دعائك له مرات ولاتمل ..هو الحب وحسب..

-يوما ما ..كانوا في الذاكره ..مرغما ستقلب شريط الذكريات ..اصواتهم العذبهم ..ورقصات همساتهم على وتر الروح ..مرهق جدا ..

-من يجلسون حولك لايعلمون انك تضحك ومن داخلك تحترق ..او ربما جسدا معهم وفكرا الى لست تدري..

-تشعر انك محاط احيانا بهالات حب لاتعلمها ..لكن بوصلة قلبك تشير الى قبلة الحب وحسب..فتمنعك الظروف لسبب ما ..تخسر من حولك وهالاتهم ..ولاتطال سماءهم..

-تلتقي من تحب ..تعلم انك لاتخطئ ابجديتك ..ترتب حكايات تليق به ..لكن تجده وتضيع كل فلسفاتك..لاادري لم..

-حين تستنشق ورده ..تشعر انك تستنشق حرف حب كتب يوما لك..رغم انه حرف اصم ابكم لكنه ناطق وله عبق ساحر..


اتدرون ..مجنون ربما تقولون ..لكنني هكذا ارى بعض الاشياء وهكذا ترونها ..
فقط من عاش تفاصيل حكاياتي هذه سيتأوهـ مثلي ..
دمتم بكل حب..,,



صآلح امير او صاير الشهري