بتعيش وتشوف

كانت امي كل ماضاق الفضا ..
جات برضا ..وتقول : خل يمه مامضى ..


بتعيش وتشوف..


والرفيق اللي مسميه الشقيق..
كان اخ وكان خل ولي صديق..
تضيق بي الدنيا ولايمكن يضيق..
وكل ماضقت قال :


بتعيش وتشوف..


كنت طفل ولي تفاصيل وفصول..
برئ لكن في تفاصيلي فضول..
مجتهد ماني بليد ولاكسول..
ومعلمي لاضقت قال :


بتعيش وتشوف..




وكبرت ..
ولاعرفت ان على بعض المقادير
انجبرت..
وبعين رغباتي صغرت ..
وانكسرت ..


ماكنت احسبها كذا ..
والنصيب يصيب والرغبه اذى..
طيب واذا ؟ّ!

صدق بنعيش ونشوف..


اللي يحب يشوف..
وتقابله بعض الظروف..
مابين حلم وواقع واحيان خوف..


التفاصيل الصغيره..
تختصر بعض الكبيره ..
والهواوي بين اكيد ومحتمل يبقى مصيره..


كبرت وتعلمت وش يعني ..
تعيش تشوف ياابني..


وفيت ولالقيت الا الجفا والصد..
صدقت وشفت نفسي ضد..
سؤال الود ..ماله رد!!


كثير اللي معي ..
كانوا معي قبل ادمعي..
والحين حتى حكاويهم..ماتعانق مسمعي..


واللي بقالي في حياتي اوفيا..
روح وتفاصيل وضيا ..


من بعد عقدين والثالث بنصه..
العمر بيت الشعور اللي فقد نصه..
فعلا درس وتعلمته وكانت الحصة :




بتعيش وتشوف..






صآير امير ..