ماشفتها من مدهـ..
الفتاة اللي شعرها من دلعها تكدهــ..
ارض الرخا والشده..
بنت البها والحسن..واسمها جدهــ..
يقولون شاخت..
وين كانت ووين صارت..
والصدور بضيقها ياصاحبي فاضت..
وش صار..
لعب اليدين اللي تبي تكسب..وصار..
ماحسبت لأخطار..لأمطار ..لأضرار..
ماكان يدري من بنى عن مهزلة اعمااااااار..
يابحر..هذي العروس؟
والا مدينه ناسها الاقوى على الاضعف تدوس..
الشمال اللي من البارح غرق..
والجنوب اللي بيوته سببت لأهله أرق..
والنظاااااام المخترق..
الحكاية عن عروس زفها الموت للموت بيديه..
والرواية عن فتاة طاحت بكفين بيه..
منظرك ياجدة الخير لحظة..من يبيه؟!
السبب من من؟
ليه صايبها الوهن؟
من وانا طفل(ن) صغير..
كنت اردد: جده غير..
والحين جوها جدا مطير..
بس هالواقع مرير..
جده غير..لا جده من يدين العابثين أخييييير..
كلن يبي هالجو..
الا جده لالفاها الغيم رددت ..لو ولو ولو....!
البكا ماهوب حل..
يرحل اخو..يرحل صديق..يقفي خل..
وش فايدة هالألم..
كان الألم ..مايصنع أمل..
صح لسانك
ردحذفوالله يصبر اهالي جدة على هالمصائب
والله ينتقم من كل يد مخربة..
تحيااتي..
جميل يا صاحبي ..
ردحذفجده , رغم كرهي لها إلا أن ما حدث بها محزن , وأرجو من الله أن يلطف بأهلها , ولابد من وقفه مع شرذمة الفساد.
شكراً جزيلاً.
ذكرى ما حدث اجده هنا
ردحذفاحب جدة وانا ايضا من زمن لم ارها اللهم احفظ احبة لي فيها واحفظ اهلها واحفظ بلادنا من شر الاشرار وكيد الفجار ومن سائر الاوباء والاكدار
صح لسانك ايها الشاعر وجزاك الله خيرا