غرابة افكاري..!

ابيات لاادري كيف كتبت لكنها هكذا اتت..
افكار غريبه ولشدة غرابتها احببت ان تشاركوني هي..
اسعد بنقدكم:


الفقر ماعابني والمال يتبعني..
واللاش ماصار لي والهيس وش لي به..

والعلم لولا العقول يهد مايبني..
والجهل جهلي ليا مازاد جهلي به..

والذيب مايحترم لولا انه يعني..
خطوات الاقدام ونفوس اهل الخيبه..

اصحب من الناس من لامل مايجني..
واقرب من اللي صلاة الوتر تسري به..


ان كان مالك هدف صرت انت يالمعني..
لاشئ لانك بلا قيمه ولاهيبه..

قرب هنا باخذك في سيرة وطعني..
باعلمك درس ينبت بك مية شيبه..

همة صلاح البطل لالحين تجبرني..
ارفع له القبعه والكفو يسمي به..

حرر فلسطين لاجل البيت واعطاني..
انا وغيري دروس العز والطيبه.

واشيب عيني على حال العرب نحني..
للواقع الراس وبلا شكه وريبه..

خلك من العرب وافهم بس واتبعني..
ردد معي:كل علم لاش وش لي به..

الرجل لاصار يهدم ذات مايبني..
عز آهله واهمس احلى الجهل جهلي به..